我的祛斑經歷

大約二十多歲起，右邊髮側開始出現一褐色色班，隨著年齡增長，色班變得愈來愈大愈來愈深，即使遮瑕產品亦已無補於事，當時只有放棄，惟有用長髮遮蓋，即使明顯非常，朋友家人間從無人敢提及，因知我愛美如命，只會一觸即發(狂)，當時激光祛斑動輒過萬，實在過不了自己，正如摰友所說，不如貼一萬蚊喺塊面， 一定無人會出聲(哈哈!我敢肯定講呢句說話嘅人必已忘記，但她是誰實在呼之欲出)。

一次朋友聚會， 大合照時，一男生大聲問﹕「你塊面係唔係污糟咗？」呢句關心說話令全埸靜晒…我只好假裝若無其事解釋。第二日，我開始搵激光祛斑資料(我並非小器，但連男人都發現，情況一定非常險峻)。可惜，平唔敢試貴又唔捨得試，唉…!

一日，到光顧多年美容小店做facial，與體貼可人的Debbie說起，她建議我激光祛斑(光顧多年她亦從未sell我，實在感動)，她並拍心口一定得(因不久前有一熟客媽媽剛完成五次療程，色斑已完全消失)，當時我亦問了無數問題，Debbie亦耐心一一解答。終於，我決定由Debbie幫我完成呢個偉大工程。

激光祛斑療程如下:

1. 清潔面部：用潔面產品清潔面部。

2. 塗上止痛膏：在色斑位置塗上止痛膏約十五分鐘。

3. 戴上防護眼罩，療程開始（只需約十五分鐘）：先後換兩次頭在色斑位置進行激光祛斑療程。

激光祛斑療程後感:

是次激光祛斑療程痛楚非常，一直只想著「靚!靚!靚!」，希望療程快快完成，聽到熄機聲，簡直放下十噸鉛，Debbie立即問我得唔得，我小聲回答可以，誰不知Debbie說﹕「咁就好，換第二個頭會再痛少少。」吓!!!!!!!! 之後…

第一次療程後留下之疤痕(療程前沒有拍照，只可從這照片看到色斑約五毫子大小)



經過三次療程，陪伴我多年色斑已完全消失，除第一次療程，另外兩次亦沒有任何痛楚感覺，直至兩年多後的今天亦未再出現，少少痛楚實在值得，更要衷心感激Debbie…

 陪伴我多件年色斑已完全消失

當年，我以超優惠價約$3000購下五次療程(因已是兩年多前的事，加上是已光顧近十年之老顧客)，現在約需$4500，剛介紹兩位同事試做，五次療程後二人已成功激祛色斑。

有色斑的姊妹實在不用擔心，激光祛斑療程確實有效，與其花錢購買坊間各類祛斑產品，倒不如進行激光療程，從個人經驗，這確是惟一有效方法。